Loksins...

...bara örstutt til að láta vita að ég er að fara að blogga aftur. Þannig að ef einhver hefur áhuga á að vita hvað við gerum hérna í Montréal í 20 stiga frosti þegar við náum að drulla okkur út úr hýðinu, þá verið viðbúin. Ég lofa samt engum daglegum langlokum því að það er voða takmarkað sem maður gerir í svona "&$%&#%$&# kulda!!! Fyrir utan auðvitað að faðma að sér frostið á snjóbretti um hverja helgi (In Montréal, you have to embrace the winter, you know...).

Svo get ég náttúrulega sagt ykkur frá alveg yndislegum lögfræðikúrsi sem ég neyðist til að taka og er gjörsamlega að gera út af við mig. Ég get allavega þakkað fyrir að hafa asnast í stjórnmálafræðina í staðin fyrir að hafa verið praktísk og skellt mér í lögfræði á sínum tíma. Lögfræðingar þarna úti (aka Stína), ekki móðgast, ég ber mjög mikla virðingu fyrir lögfræðingum, enn meiri en ég gerði fyrir þennan blessaða kúrs.

Sem betur fer hef ég annað áhugaverðara og ópraktískara að skemmta mér yfir eins og hnattvæðingarkúrs, civic design og GIS (tölvudót). Svo er ég að sjálfsögðu í stúdíókúrs með tilheyrandi hópavinnu og gleði. Ég held að ég sé að upplifa smá menningarsjokk í þeim kúrsi því að mér finnst að þessir blessuðu Kanadamenn geti eytt heilli eilífð í að skipuleggja minnstu smáatriði og blaðra um eitthvað sem mér finnst skipta voða litlu máli. En kannski er það bara ég, mér finnst betra að vinna bara ein að mínum hluta í mínu horni.

Læt þetta duga í bili,

D