Á jákvæðari nótum...

Við horfðum á myndbandið sem var tekið á fyrirlestrinum en sem betur fer vantaði hljóðið vegna tæknivandamála :-) Þetta var nú ekki alveg eins slæmt og ég hélt (kannski vegna þess að það vantaði hljóðið...) og allir voru voða almennilegir og komu með vinsamlegar ábendingar. Það var m.a.s. sérstaklega minnst á það að það hefði verið gott hjá mér að taka pásu og draga andann til að létta á spennunni! Kannski vorkenna mér bara allir en mér er alveg sama, þetta er búið.

Í kvöld ætla ég að fara í partý með fyrrverandi vinnufélögum mínum til að halda upp á að þetta sé afstaðið. Reyndar tekur alltaf eitthvað annað við. Fyrri part annarinnar höfum við verið að greina vandamálið út frá mismunandi þáttum, ég var í hóp sem átti að skoða byggt og náttúrulegt umhverfi (built and physical environment) og nú eigum við að koma með lausnir. Við þurfum því hvert og eitt okkar að halda 2-3 mínútna fyrirlestur og útbúa kort og memo með okkar hugmyndum fyrir næstu viku. Út frá því verður svo raðað í næstu hópa sem eiga að koma með lausnir. Mér finnst þetta mjög spennandi.

Bekkurinn, aftari röð: Greg, Dóra, Jenna, Pilar, Julia, Chee, Rahul, Andrew, José
Fremri röð: Sherry, Russell, Dan, Mary, Shuang, Silvia, Ilja, Mark, Jen

Hópurinn minn með töflurnar okkar, sem þóttu einfaldar en skýrar (tekið skal fram að við vorum hvött til að gera allt í höndunum og ekki í tölvu): Russell hinn montrealski, Sherry hin saskatchewanska, Silvia hina ítalska og Dóra hin íslenska í fúlu skapi

Tekur einhver eftir því hvað ég reyni mikið að komast hjá því að nota enskuslettur?